Երեւան: Մեդիամաքս: «Գազպրոմ Մեդիա» հոլդինգի մաս կազմող ТНТ հեռուստաալիքը գնել է Comedy Club Production ընկերության բաժնետոմսերի 75 %-ը:

Այդ մասին հաղորդում է Lenta.ru-ն` վկայակոչելով Ինտերֆաքսը:

Comedy Club Production-ը ТНТ-ի հաղորդումների հիմնական մատակարարն է: ТНТ-ն գնել է Comedy Club Production-ի արտադրած բոլոր հաղորդումների արխիվը եւ երկարաժամկետ պայմանավորվածություն է ձեռք բերել նոր հաղորդումների պատրաստման մասին:

Comedy Club Production-ի հիմնադիր եւ գլխավոր պրոդյուսեր Արթուր Ջանիբեկյանն ասել է, որ ընկերությունն ու ТНТ-ն «դեռ երկար միասին կաշխատեն»:

Մեդիամաքս-ը հիշեցնում, որ 2011թ. օգոստոսին «Կոմերսանտ» թերթը գրել էր, որ

ТНТ-ն կարող է հայտարարել «Comedy Club», «Наша Russia», «Մահացու ուժ», «Дом-2», հաղորդումները եւ «Ունիվեր», «Интерны» սերիալները արտադրող Comedy Club Production ընկերության վերահսկիչ փաթեթը $‌250 մլն-ով ձեռք բերելու մասին:

2007-ին հիմնված Comedy Club Production-ը ТНТ-ի հիմնական գործընկերն է:

2010 թվականին այն կոնսոլիդացրել էր նաեւ «Ունիվեր» եւ «Интерны» սերիալները ներկայացնող 7 Art պրոդյուսերական ընկերության 74%-ը, որտեղ Արթուր Ջանիբեկյանին եւ Գարիկ Մարտիրոսյանին ի սկզբանե պատկանում էր միայն  51%-ը: