Երեւան: Մեդիամաքս: ՀՀ վարչապետ Նիկոլ Փաշինյանն այսօր հայտարարել է, որ ստորագրել է Ազգային անվտանգության ծառայության տնօրեն Արթուր Վանեցյանին աշխատանքից ազատելու միջնորդագիրը։
«Համապատասխան հրամանագիրը մեկ-երկու օրվա ընթացքում կստորագրվի։ Որոշումը կայացվել է քննարկումների արդյունքում եւ փոխադարձ համաձայնությամբ»,- լրագրողների հետ զրույցում ասել է Նիկոլ Փաշինյանը։
Նրա խոսքով՝ Արթուր Վանեցյանը կկենտրոնանա Հայաստանի ֆուտբոլի հավաքականին Եվրոպայի առաջնության եզրափակիչ դուրս բերելու վրա:
Արթուր Վանեցյանն Ազգային անվտանգության ծառայության տնօրենի պաշտոնը զբաղեցնում էր 2018թ. մայիսի 10-ից: Սեպտեմբերի 22-ից նաեւ Հայաստանի ֆուտբոլի ֆեդերացիայի նախագահն է։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: