3025 դիտում

Հայաստանն ու Լիտվան խորացնում են կապերը ԱԻ ոլորտում


Լուսանկարը` ԱԻՆ


Երեւան: Մեդիամաքս: ՀՀ արտակարգ իրավիճակների նախարար Դավիթ Տոնոյանն այսօր ընդունել է Հայաստանում Լիտվայի արտակարգ եւ լիազոր դեսպան Էրիկաս Պետրիկասին եւ տարածաշրջանի 5 երկրների Լիտվայի դեսպաններին:

ԱԻՆ-ում նշել են, որ քննարկվել են արտակարգ իրավիճակների եւ բնակչության պաշտպանության ոլորտում համագործակցության խորացման հնարավորությունները:

Դավիթ Տոնոյանը նշել է, որ հայ-լիտվական համագործակցության ոլորտում սպասվում են նոր շեշտադրումներ՝ ուղղված բնակչության պաշտպանության, պատրաստվածության եւ դիմակայունության մակարդակի բարձրացմանը:

Նախարարը շեշտել է, որ աշխատանքներ են տարվում ակտիվացնել բնակչության պաշտպանությանն ու պատրաստվածությանն ուղղված միջոցառումները նաեւ ՆԱՏՕ-ի ձեւաչափում:

Էրիկաս Պետրիկասը նշել է, որ արտակարգ իրավիճակների կենտրոնացված (մեկ պատուհանի սկզբունքով) կառավարման հայկական փորձը կարող է օգտակար լինել Լիտվայի համար:

Դեսպանը նաեւ բարձր է գնահատել արդյունաբերական առանձնապես վտանգավոր օբյեկտների հանդեպ սահմանված շուրջօրյա մոնիթորինգային համակարգի աշխատանքը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am