Երեւան: Մեդիամաքս: Հարավային Սուդանում այսօր կործանված ռուսական արտադրության «Ան-12» բեռնատար ինքնաթիռի անձնակազմի անդամներից հինգը ՀՀ քաղաքացիներ են։
Այս մասին հաղորդում է ՀՀ ԱԳՆ մամուլի ծառայությունը:
Ինչպես հաղորդում է «ՌԻԱ Նովոստի»-ն, կործանված ինքնաթիռի մասին մեկնաբանությամբ է հանդես եկել նաեւ Հարավային Սուդանի նախագահի ներկայացուցիչ Աթենի Ուեք Աթենին:
Նա նշել է, որ օդանավում եղել է 18 մարդ, որոնցից 3-ն են կենդանի մնացել:
«Հարավային Սուդանում կործանված «Ան-12» օդանավում եղել է 12 ուղեւոր, անձնակազմի վեց անդամ, այդ թվում՝ հինգ հայ եւ մեկ ռուս»,- ասել է Աթենի Ուեք Աթենին` հավելելով, որ բոլոր 12 ուղեւորները սուդանցի են եղել:
Հարավային Սուդանի նախագահի ներկայացուցիչն ընդգծել է, որ կենդանի մնացածները եւս սուդանցի են:
Պաշտոնյան տեղեկացրել է, որ ինքնաթիռը պատկանել է սուդանական Allied Services Limited ընկերությանը: Ավելի վաղ լրատվամիջոցները շրջանառում էին օդանավի՝ հայկական ընկերությանը պատկանելու հնարավորությունը:
Օդանավի կործանման հետեւանքով շուրջ երկու տասնյակ մարդ է զոհվել նաեւ ցամաքում:
Փորձագետներն օդային աղետի հնարավոր պատճառ են համարում գերբեռնումը եւ տեխնիկական անսարքությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: