Երեւան: Մեդիամաքս: Ադրբեջանի նախագահ Իլհամ Ալիեւը Հայաստանին կոչ է արել հրաժարվել «ռեւանշի փորձերից»:
«Դիմում եմ նրանց, ով ապրում է Հայաստանում ռեւանշի մասին երազելով. մտածեք ձեր մասին: Երկաթե բռունցքն այստեղ է, այն ոչ մի տեղ չի կորել: Մի՛ ջղայնացրեք մեզ, խելոք մնացեք: Եթե խելոք պահեք ձեզ, կկարողանաք հանգիստ ապրել: Եթե կրկին ինչ-որ սադրանք, հայտարարություն կամ գործողություն անեք մեր դեմ, մենք ձեր գլուխը կջարդենք՝ առանց որեւէ մեկին նայելու: Ոչ ոք չի կարող ձեզ պաշտպանել», - ասել է Ալիեւը Մատաղիսում, որը ադրբեջանական կողմը վերանվանել է Սուգովուշան։
Ինչպես հաղորդում է Ինտերֆաքս-Ադրբեջանը, Ալիեւն ասել է.
«Սուգովուշանի ազատագրումը ռազմավարական մեծ նշանակություն ուներ: Այս բնակավայրի աշխարհագրական դիրքը կարեւոր դեր խաղաց պատերազմի ժամանակ, եւ այն փաստը, որ այն գտնվում էր մեր վերահսկողության տակ, մեզ առավելություն տվեց հետագա գործողություններում»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: