Երեւան: Մեդիամաքս: Վարչապետի պաշտոնակատար Նիկոլ Փաշինյանն այսօր Անվտանգության խորհրդի նիստում ներկայացրել է իրավիճակի հանգուցալուծման իր պլանը:
Նա ասել է, որ առաջարկում է Սոտք-Խոզնավար սահմանային հատվածից մշտական տեղակայման վայրեր վերադարձնել Հայաստանի եւ Ադրբեջանի Զինված ուժերի ստորաբաժանումները եւ այդտեղ տեղակայել «Ռուսաստանի կամ ԵԱՀԿ Մինսկի խմբի համանախագահ երկրների դիտորդներին»:
Փաշինյանն ասել է, որ դրանից հետո, «Ռուսաստանի կամ ԵԱՀԿ Մինսկի խմբի համանախագահ երկրների ներկայացուցիչների հովանու ներքո» կարող է իրականացվել սահմանային կետերի ճշգրտման աշխատանքը:
Նա ասել է, որ եթե Ադրբեջանի նպատակը սահմանային կետերի ճշգրտումն է, «նրանք չպետք է պատճառ ունենան հրաժարվել այս առաջարկից»:
Փաշինյանն ասել է, որ սա պաշտոնական առաջարկ է ԵԱՀԿ ԵԱՀԿ Մինսկի խմբի համանախագահ երկրների եւ Ադրբեջանի ղեկավարներին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: