Երեւան: Մեդիամաքս: Սեպտեմբերի 16-ին Ազգային անվտանգության ծառայության տնօրենի պաշտոնից ազատված Արթուր Վանեցյանն այսօր ասել է, որ առայժմ անհրաժեշտություն չի տեսնում մեկնաբանել իր հրաժարականի տեքստը:
Զրուցելով լրագրողների հետ, նա ասել է, որ եթե ապագայում նման անհրաժեշտություն առաջանա, ինքը հանդես կգա մեկնաբանություններով:
Արթուր Վանեցյանը կոչ է արել «պղտոր ջրում ձուկ չորսալ» եւ չփորձել իրեն «ներքաշել խաղերի մեջ»:
ԱԱԾ նախկին տնօրենը խոսել է նաեւ «նախկինների (իշխանությունների-խմբ.) խանդավառության» մասին` ասելով, որ նրանք պետք է մնան «իրենց քաղաքական անցյալում եւ չփորձեն խառնվել իմ եւ գործող իշխանությունների հարաբերությունների մեջ»:
Արթուր Վանեցյանն ասել է, որ առաջիկայում կենտրոնանալու է Հայաստանի ֆուտբոլի ֆեդերացիայի նախագահի իր պարտականությունների վրա, քանի որ Հայաստանի հավաքականն առաջիկայում երկու կարեւոր հանդիպում է ունենալու:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: