1622 դիտում

Երեւանի քաղաքապետի արտահերթ ընտրությունը կկայանա հուլիսի 16-ին


Լուսանկարը` Photolure


Երեւան: Մեդիամաքս: Երեւանի քաղաքապետի արտահերթ ընտրությունը կանցկացվի հուլիսի 16-ին՝ ժամը 11:00-ին:

Երեւանի ավագանու այսօրվա արտահերթ նիստում, որը վարում էր Երեւանի քաղաքապետի տեղակալ Կամո Արեյանը, համապատասխան նախագիծն ընդունվել է ձայների 34 կողմ, 11 դեմ եւ 1 ձեռնպահ հարաբերակցությամբ: 

 

Զուգահեռ քվեարկության էր դրվել Երեւանի ավագանու «Ելք» խմբակցության անդամ Դավիթ Խաժակյանի առաջարկությունը՝ քաղաքապետի արտահերթ ընտրության օր սահմանել օգոստոսի 8-ը: Առաջարկը չի ընդունվել ձայների 15 կողմ, 34 դեմ եւ 1 ձեռնպահ հարաբերակցությամբ: 

 

 

Մեդիամաքսը հիշեցնում է, որ Երեւանի քաղաքապետ Տարոն Մարգարյանը հրաժարական էր տվել հուլիսի 9-ին: 

 

Արտահերթ ընտրությունների ժամանակ քաղաքապետի թեկնածուներ առաջադրելու իրավունք ունեն ավագանու խմբակցությունները: 

 

Եթե ավագանու կազմից չի ընտրվում նոր քաղաքապետ, ապա ավագանին լուծարվում է, եւ 30-40 օրվա ընթացքում նոր ընտրություններ են կազմակերպվում։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am