Սկանդալներ բանակցությունների շուրջ - Mediamax.am

5960 դիտում

Սկանդալներ բանակցությունների շուրջ

Ռուսաստանի դեսպանությունն «իրականությանը չհամապատասխանող» անվանեց պնդումները Քի Ուէսթի բանակցություններում ՌԴ պատվիրակության ղեկավարի «մեկուսացվածության» մասին:

ԱՄՆ պետքարտուղար Քոլին Փաուէլը եւ ՀՀ նախագահ Ռոբերտ Քոչարյանը Քի Ուէսթում
ԱՄՆ պետքարտուղար Քոլին Փաուէլը եւ ՀՀ նախագահ Ռոբերտ Քոչարյանը Քի Ուէսթում

Լուսանկարը` Photolure


2001 թվականի ապրիլի 16-ին ՀՀ-ում Ռուսաստանի դեսպանությունն «իրականությանը չհամապատասխանող» անվանեց ապրիլի 13-ին «Առավոտ» թերթում հրապարակման մեջ տեղ գտած պնդումները Քի Ուէսթի բանակցություններում ՌԴ պատվիրակության ղեկավար, Ռուսաստանի ԱԳ առաջին փոխնախարար Վյաչեսլավ Տրուբնիկովի «մեկուսացվածության» մասին:

 

Ինչպես ասվում էր Ռուսաստանի դեսպանության մամլո հաղորդագրությունում, «հոդվածում «անանուն» եւ մեր դեսպանատանն իբր «մոտ կանգնած» աղբյուրի կողմից հնչեցված գնահատականները` ղարաբաղյան կարգավորման գործընթացքում ռուսաստանյան մասնակցության վերաբերյալ, մեղմ ասած, չեն արտացոլում գործի էությունը»:

 

Իր հերթին, մեկնաբանելով ռուսաստանցի արտգործնախարարի մասնակցությունը Ֆլորիդայի բանակցություններին, Հայաստանի արտաքին գործերի նախարար Վարդան Օսկանյանն ասում էր. «Վյաչեսլավ Տրուբնիկովը շատ կարեւոր դեր է խաղացել այս գործընթացում»: Օսկանյանի խոսքերով, ամեն անգամ, երբ բանակցությունները հայտնվում էին փակուղում, հենց Տրուբնիկովին էր հաջողվում փոխզիջումային որոշումներ գտնել: 

 

Երկրորդ, շատ ավելի անհեթեթ «արտահոսքի» հեղինակ դարձավ ռուսաստանյան GazetaSNG.ru ինտերնետ-պարբերականը, որը 2001 թվականի ապրիլի 6-ին հանդես եկավ «Աբխազական մտրակ եւ քաղցրահաց, կամ ամերիկյան սադրանք Քի Ուէսթում» հոդվածով: Դրանում, վկայակոչելով «ԱՄՆ-ում մի շարք իրավասու աղբյուրների», ասվում էր, որ միջնորդները մտադիր են ոչ պաշտոնական հիմքի վրա ընդլայնել ղարաբաղյան կարգավորման ձեւաչափը, «խաղի մեջ մտցնելով» Սուխումի եւ Թբիլիսիի ներկայացուցիչներին: 

 

Մեր ընտրանին