Երեւան: Մեդիամաքս: Թուրքիայի նախագահ Ռեջեփ Թայիփ Էրդողանը հունիսի 14-ից 16-ը կայցելի Ադրբեջան:
Այսօր Բաքվում ընդունելով Թուրքիայի կրթության նախարար Զիա Սելջուքին՝ Ադրբեջանի նախագահ Իլհամ Ալիեւը հայտնել է, որ Շուշիում նոր դպրոցի հիմնարկեքը, որի շինարարությունը ֆինանսավորելու է Թուրքիան, կկայանա Թուրքիայի նախագահի այցի ընթացքում:
Մեդիամաքսը նշում է, որ Շուշի այցելելու մտադրության մասին Էրդողանն առաջին անգամ հայտարարել էր մարտի 31-ին՝ թյուրքալեզու պետությունների համագործակցության խորհրդի նիստում:
«Կարեւոր է, որ թյուրքալեզու երկրները շարունակեցին աջակցել Ադրբեջանին նաեւ Ղարաբաղում թյուրքական հուշարձանների պահպանության եւ վերականգնման գործում: Հույս ունեմ, որ մոտ ժամանակներս՝ Ռամադանի տոնակատարությունից հետո, մենք կայցելենք Շուշի, ինչը եւս մեկ տոն կդառնա մեզ համար»:, - ասել էր Թուրքիայի նախագահը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: