Երեւան: Մեդիամաքս: ՀՀ Ազգային ժողովի նախագահ Արարատ Միրզոյանը այսօր Իրանի դեսպան Աբբաս Զոհուրիի հետ հանդիպմանը նշել է, որ Իրանը չի կարող ձեռնպահ մնալ Արցախի հարցում դիրքորոշում արտահայտելուց:
Ըստ ԱԺ մամուլի ծառայության, ԱԺ նախագահն այդ մասին խոսել է՝ «հաշվի առնելով նաեւ տարածաշրջանային այլ պետությունների ակտիվ ներգրավվածությունն ի օգուտ ադրբեջանական կողմի թե ռազմական գործողությունների փուլում, թե դրան հաջորդած ժամանակահատվածում»:
Լուսանկարը` ՀՀ ԱԺ մամուլի ծառայություն
Անդրադառնալով եռակողմ հայտարարությունում ամրագրված պայմանավորվածություններին՝ Արարատ Միրզոյանը որպես առաջնահերթություն ընդգծել է, որ օր առաջ պետք է իրականացվի ռազմագերիների եւ այլ գերեվարված անձանց շուտափույթ փոխանակումը «բոլորը բոլորի դիմաց» սկզբունքով:
Աբբաս Զոհուրին վերահաստատել է Իրանի ԱԳ նախարար Մոհամմադ Զարիֆի նախկինում հնչեցրած տեսակետն առ այն, որ ռազմագերիների վերադարձի խնդիրը պիտի շուտափույթ լուծում ստանա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: