Երեւան: Մեդիամաքս: Հայաստանի պաշտպանության նախարարության ներկայացուցիչ Արծրուն Հովհաննիսյանն այսօր ասել է, որ հակառակորդն օրվա ընթացքում ունեցել է 540 զոհ, ավելի քան 700 վիրավոր:
Ադրբեջանը կորցրել է մոտ 45 միավոր զրահատեխնիկա, 6 ինքնաթիռ, որոնց մեծ մասը օդում չի խոցվել, 3 ուղղաթիռ եւ 6 ԱԹՍ։
Արծրուն Հովհաննիսյանը նկատել է, որ հակառակորդը մեծ տրամաչափի զենքերից թիրախավորում է Արցախի բնակչությանը: Այսօր հեռահար միջոցներով հարվածներ են հասցրել Հադրութ եւ Ստեփանակերտ քաղաքներին:
«Տուժել են մեծ թվով բնակիչներ, շինություններ, քաղաքացիական պաշտպանության ինստիտուտներ, ենթակառուցվածքներ: Ընդհանուր առմամբ՝ իրավիճակը շարունակում է մնալ լարված»,- ասել է Արծրուն Հովհաննիսյան։
Նա նշել է, որ մարտերը շարունակվում են, ծանրության կենտրոնը նույն ուղղություններն են՝ հյուսիս եւ հարավ:
«Հակառակորդը բազմիցս, որոշակի փոխելով մարտավարությունը, փորձում է հարձակվողական գործողություններ իրականացնել, Արցախի զինված ուժերը հերոսաբար հետ են մղում բոլոր գրոհները»,- ասել է Արծրուն Հովհաննիսյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: