Երեւան: Մեդիամաքս: Դեկտեմբերի 4-ին կայացած ընտրություններում Հայաստանում տեղակայված 102-րդ ռուսաստանյան ռազմակայանի զինծառայողների 97,5%-ը քվեարկել է «Եդինայա Ռոսիա» կուսակցության օգտին:

Այսօր այս մասին գրում է Կոմերսանտ թերթը` վկայակոչելով Ռուսաստանի պաշտպանության նախարար Անատոլի Սերդյուկովի նամակը ՌԴ վարչապետ Վլադիմիր Պուտինին` զինծառայողների քվեարկության արդյունքների վերաբերյալ:

“Քվեարկությունը ռեկորդային էր ՌԴ-ի սահմաններից դուրս գտնվող զորամասերում (օրինակ` Հայաստանում տեղակայված 102-րդ ռազմակայանում կուսակցությանը կողմ է քվեարկել զինծառայողների 97,5%-ը, իսկ Հարավային Օսիայի 4-րդ ռազմակայանում` 95,3%-ը), ինչպես նաեւ հեռավոր եւ դժվար անհասանելի բնակավայրերում տեղակայված զորամասերում”, - թերթը մեջբերում է նախարարի նամակը: