Եվրոպական հանձնաժողովի գործադիր փոխնախագահը կայցելի Հայաստան - Mediamax.am

1790 դիտում

Եվրոպական հանձնաժողովի գործադիր փոխնախագահը կայցելի Հայաստան


Լուսանկարը` https://www.courthousenews.com/


Երեւան: Մեդիամաքս: Եվրոպական հանձնաժողովի գործադիր փոխնախագահ եւ առեւտրի հարցերով ԵՄ հանձնակատար Վալդիս Դոմբրովսկիսը Երեւանում կմասնակցի Վերակառուցման եւ զարգացման եվրոպական բանկի (ՎԶԵԲ) տարեկան հանդիպմանը եւ գործարար համաժողովին՝ ներկայացնելով Եվրոպական միությունը։

Գործադիր փոխնախագահ Դոմբրովսկիսն իր առաքելության շրջանակում կմասնակցի «Կրիտիկական հումքի» վերաբերյալ պանելային քննարկմանը, ինչպես նաեւ ներկա կգտնվի ՎԶԵԲ-ի եւ Ղազախստանի միջեւ փոխըմբռնման հուշագրի ստորագրմանը, որը հանքարդյունաբերության ոլորտի կայուն զարգացմանն ուղղված ԵՄ-Ղազախստան «Կրիտիկական հումքի վերաբերյալ ճանապարհային քարտեզի» իրականացման մաս է: Նա կմասնակցի նաեւ ՎԶԵԲ-ի Կառավարիչների խորհրդի լիագումար նիստին:

 

Վալդիս Դոմբրովսկիսը կհանդիպի Հայաստանի կառավարության բարձրաստիճան պաշտոնյաներ ՀՀ նախագահ Վահագն Խաչատուրյանին, վարչապետ Նիկոլ Փաշինյանին, ինչպես նաեւ ՀՀ փոխվարչապետներ՝ Մհեր Գրիգորյանին եւ Տիգրան Խաչատրյանին։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին