ԱՄՆ Պետդեպ. «Ապրիլի 5-ի հանդիպման թեման խաղաղ գործընթացը չէ» - Mediamax.am

2100 դիտում

ԱՄՆ Պետդեպ. «Ապրիլի 5-ի հանդիպման թեման խաղաղ գործընթացը չէ»


Լուսանկարը`


Երեւան: Մեդիամաքս: ԱՄՆ Պետդեպարտամենտի խոսնակ Մեթյու Միլերն ասել է, որ ապրիլի 5-ին նախատեսված Հայաստանի վարչապետի, ԱՄՆ պետքարտուղարի եւ Եվրոպական հանձնաժողովի նախագահի հանդիպումը «նվիրված է Հայաստանի բարեփոխումներին, ժողովրդավարությանը, տնտեսությանը եւ դիմակայունությանը»։

Ճեպազրույցում պատասխանելով հարցին, թե արդյո՞ք Ադրբեջանը հրավիրվել է առաջիկա հանդիպմանը, Մեթյու Միլերն ասել է.

 

«Հանդիպման թեման խաղաղ գործընթացը չէ։ Դա ԱՄՆ-ի, ԵՄ-ի եւ Հայաստանի հանդիպումն է՝ քննարկելու տնտեսական դիվերսիֆիկացումը, մարդասիրական օգնությունը, փախստականներին աջակցությունը եւ Հայաստանի քաղաքական բարեփոխումներին աջակցությունը այնպիսի ոլորտներում, ինչպիսիք են ժողովրդավարությունը եւ օրենքի գերակայությունը: Դա տարածաշրջանային հանդիպում չէ»։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին