Երեւան: Մեդիամաքս: «Մեծ Յոթնյակի» (G7) երկրների արտաքին գործերի նախարարները «լրջորեն մտահոգված են Ադրբեջանի կողմից իրականացված ռազմական գործողությունից հետո Լեռնային Ղարաբաղից հայերի տեղահանության մարդասիրական հետեւանքներով»։
Այդ մասին ասվում է Կանադայի, Ֆրանսիայի, Գերմանիայի, Իտալիայի, Ճապոնիայի, Մեծ Բրիտանիայի եւ ԱՄՆ-ի արտաքին քաղաքական գերատեսչությունների ղեկավարների հայտարարության մեջ, որն ընդունվել է Տոկիոյում կայացած հանդիպման արդյունքներով:
«Կոչ ենք անում Ադրբեջանին ամբողջությամբ կատարել միջազգային մարդասիրական իրավունքով ստանձնած պարտավորությունները եւ ողջունում ենք միջազգային ջանքերը՝ բավարարելու այն մարդկանց հրատապ մարդասիրական կարիքները, ովքեր ստիպված էին լքել իրենց տները», - նշվում է փաստաթղթում։
Հայտարարության մեջ ասվում է նաեւ, որ G7-ը «աջակցում է Հայաստանի եւ Ադրբեջանի միջեւ կայուն տեւական խաղաղության հաստատմանը՝ հիմնված ուժի չկիրառման, ինքնիշխանության հարգման, սահմանների անձեռնմխելիության եւ տարածքային ամբողջականության սկզբունքների վրա»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: