Երեւան։ Մեդիամաքս։ Եվրոպական Միության Խորհուրդն այսօր որոշում է կայացրել Հայաստանում ԵՄ քաղաքացիական առաքելություն հիմնելու մասին:
«Առաքելության նպատակներն են նպաստել կայունությանը Հայաստանի սահմանամերձ շրջաններում, վստահության ձեւավորմանը տեղում եւ Հայաստանի եւ Ադրբեջանի միջեւ հարաբերությունների կարգավորման ջանքերին նպաստող միջավայրի ձեւավորմանը», - ասված է հաղորդագրության մեջ:
«Հայաստանում ԵՄ առաքելություն հիմնադրմամբ Հարավային Կովկասում ԵՄ ներգրավվածության նոր փուլ է մեկնարկում։ ԵՄ-ն կշարունակի աջակցել դեէսկալացիայի ջանքերին եւ հանձնառու է սերտորեն աշխատել երկու կողմերի հետ՝ տարածաշրջանում կայուն խաղաղության վերջնական նպատակին հասնելու համար», - ասել է Եվրոպական Միության արտաքին գործերի եւ անվտանգության քաղաքականության հարցերով բարձր ներկայացուցիչ Ժոզեպ Բորելը:
«Արձագանքելով Հայաստանի դիմումին՝ առաքելությունը կանոնավոր պարեկություն կիրականացնի եւ կզեկուցի իրավիճակի մասին։ Առաքելությունը նաեւ կաջակցի Եվրոպական խորհրդի նախագահ Շառլ Միշելի միջնորդական ջանքերին», - ասված է հաղորդագրության մեջ:
Առաքելությունը նախնական երկու տարվա մանդատ կունենա եւ նրա գործառնական գրասենյակը Հայաստանում տեղակայված կլինի:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: