Երեւան: Մեդիամաքս: Իսրայելի պաշտպանության նախարար Բենի Գանցը մեղադրել է Թուրքիային տարածաշրջանը ապակայունացնելու համար:
Reuters-ի հաղորդման համաձայն, հոկտեմբերի 4-ին Գանցն ասել է, որ Թուրքիան եւ Իրանը «աջակցում են տարածաշրջանային ագրեսիային եւ մերժում են խաղաղության հաստատումը»:
Խոսելով Սիրիայի հյուսիսում եւ արեւելյան Միջերկրականում Թուրքիայի գործողությունների, ինչպես նաեւ Լիբիա ներխուժելու մասին, Իսրայելի պաշտպանության նախարարն ասել է, որ «այս ամենը հեռացնում է մեզ կայունությունից»:
Գանցը նկատել է, որ «Թուրքիայի խնդիրը բարդ է, քանի որ այդ երկիրը ՆԱՏՕ-ի անդամ է»:
«Ուստի մենք պետք է օգտագործենք բոլոր տարբերակները եւ փորձենք գործել նրանց վրա միջազգային ճնշում բանեցնելու միջոցով, որպեսզի համոզված լինենք, որ նրանք ուղղակիորեն չեն ներգրավվի ահաբեկչության մեջ», - ասել է Իսրայելի պաշտպանության նախարարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: