Երեւան: Մեդիամաքս: ՀՀ կրթության եւ գիտության նախարար Լեւոն Մկրտչյանն այսօր կարեւորել է տեսադասերի գնահատման արդյունավետությունը:
«Բովանդակային առումով կրթակարգի ամենասկզբունքային խնդիրն առարկայական խմբերի եւ բնագավառների ճիշտ համամասնությամբ բաշխումն է: Երկրորդը մեթոդաբանության խնդիրն է՝ մենք պետք է նախ մշակենք եւ դպրոցներին առաջարկենք տեսադասերի եւ էլեկտրոնային կրթության մեթոդիկա: Հաջորդ ամենակարեւոր խնդիրն էլեկտրոնային գրադարանի ստեղծումն է, որտեղ պետք է ներբեռնել կրթական ամբողջական եւ համակարգված բովանդակություն՝ ըստ առարկաների եւ դասարանների: Համակարգը պետք է բաց եւ հասանելի լինի բոլոր դպրոցների համար»,- ասել է Լեւոն Մկրտչյանը:
Նախարարը հիշեցրել է, որ վարչապետը հանձնարարական է տվել՝ երկշաբաթյա ժամկետում կառավարություն ներկայացնել նոր ուսումնական տարվանից էլեկտրոնային կրթության զանգվածային կիրառումն ապահովող համալիր միջոցառումների ժամանակացույցը:
Խորհրդակցության ընթացքում ընտրվել է հեռավար եւ էլեկտրոնային կրթության համար առավել արդյունավետ համարվող առարկայախումբը («Ինֆորմատիկա», «Քիմիա», «Ֆիզիկա», «Կենսաբանություն», «Աշխարհագրություն» եւ օտար լեզուներ):
Ներկայացվել է նաեւ «Դպրոցների համագործակցության վիրտուալ համայնքի ձեւավորման ազգային ծրագրի» նախագիծը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: