Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
 
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
 
•    15 ՏԱՐԻ ԱՌԱՋ. 2006 ԹՎԱԿԱՆԻ ՆՈՅԵՄԲԵՐԻ 8-14

Վիրավորում Իրաքում եւ այց Իրաք

Նոյեմբերի 11-ին Հայաստանի պաշտպանության նախարար Սերժ Սարգսյանը հայտնել էր, որ հայ խաղաղապահ, ավագ լեյտենանտ Գեորգի Նալբանդյանը ծանր վիրավորում էր ստացել Իրաքում՝ վիրավորի ոտքը ստիպված էին անդամահատել:

Ականը պայթել էր բազմազգ ռազմական շարասյան մշտական տեղակայման վայր վերադառնալու ժամանակ:

Նոյեմբերի 13-ին Երեւանում ԱՄՆ դեսպանությունը «խորը մտահոգություն» էր հայտնել Իրաքում հայ խաղաղապահի ծանր վիրավորման կապակցությամբ։ Դեսպանության հայտարարության մեջ նշվում էր, որ «Իրաքում հայկական զորախումբը չափազանց կարեւոր, սակայն նաեւ վտանգավոր աշխատանք է կատարում՝ հանուն այդ երկրում խաղաղության եւ ժողովրդավարության հաստատման»։

ԱԺ փոխնախագահներ Տիգրան Թորոսյանն ու Վահան Հովհաննիսյանը

Լուսանկարը` Ֆոտոլուր

Տիգրան Սարգսյանը

Լուսանկարը` Ֆոտոլուր

Լուսանկարը` Ֆոտոլուր