Էրդողանը ընդունել է պարտությունը Թուրքիայի տեղական ընտրություններում - Mediamax.am

1790 դիտում

Էրդողանը ընդունել է պարտությունը Թուրքիայի տեղական ընտրություններում


Լուսանկարը` REUTERS


Երեւան: Մեդիամաքս: Թուրքիայի նախագահ Ռեջեփ Թայիփ Էրդողանը խոստովանել է, որ իշխող «Արդարություն եւ զարգացում» (ԱԶԿ) կուսակցությունը չի կարողացել ցանկալի արդյունքների հասնել մարտի 31-ին կայացած տեղական ընտրություններում։

«Արդյունքները կվերլուծվեն, մենք դա անելու ենք ինքնաքննադատորեն եւ օբյեկտիվորեն։ Ժողովուրդը մեզ փոխանցել է իր ուղերձը, իր կամքն ու նախազգուշացումները»,- Էրդողանի խոսքը մեջբերում է ՏԱՍՍ-ը:

 

«Մենք ճշգրիտ եւ օբյեկտիվորեն կվերլուծենք այն ուղերձները, որոնք ազգը փոխանցել է մեզ քվեատուփերի միջոցով։ Կրկին խոստանում ենք մեր ժողովրդին եւ ողջ Թուրքիային. մենք անխոնջ աշխատելու ենք բարելավելու մեր 85 միլիոն քաղաքացիներից յուրաքանչյուրի բարգավաճումը, խաղաղությունը, անվտանգությունը եւ հույսերը», - ասել է Էրդողանը:

 

Ըստ նախնական տվյալների՝ հիմնական ընդդիմադիր Ժողովրդահանրապետական կուսակցությունն ընտրություններում ստացել է 37,3%, իսկ իշխող կուսակցությունը՝ 35,7%։

 

Ընդդիմությունը հաղթել է Թուրքիայի խոշոր քաղաքներում՝ Անկարայում, Անթալիայում, Բուրսայում, Իզմիրում, Ստամբուլում, Ադանայում։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին