Երեւան: Մեդիամաքս: Ադրբեջանի 5 քաղաքացիներ հունվարի 29-ին ապաստան են խնդրել Հայաստանում:
Այս մասին Մեդիամաքս-ին հայտնել են հավաստի աղբյուրները:
«Հունվարի 29-ին Հայաստանի Հանրապետությունում ապաստան է խնդրել մեկ ընտանիք Ադրբեջանից` ընտանիքի հայրը, մայրը եւ երեք անչափահաս երեխաներ»,- փոխանցել է աղբյուրը:
Այլ մանրամասներ այս պահին դեռեւս չեն հաղորդվում:
ՀՀ օրենսդրությամբ, ՀՀ մուտք գործած օտարերկրյա քաղաքացիները երկրում քաղաքական ապաստանի իրավունք ստանալու դիմումը ներկայացնում են ՀՀ տարածքային կառավարման նախարարության Միգրացիոն պետական ծառայություն: Հայցողի վերաբերյալ իրավասու պետական մարմինների եզրակացություններն ստանալուց հետո Միգրացիոն պետական ծառայությունը մեկամսյա ժամկետում հայցողի դիմումի եւ դրան առնչվող բոլոր փաստաթղթերի հիման վրա կազմում է առաջարկություն և ներկայացնում ՀՀ նախագահին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: