Հունիսի 29-ին Թումո կենտրոնում բացվել է 43 պատանիների լուսանկարչական աշխատանքների ցուցահանդեսը, որոնք աշխատել են միջազգային մրցանակների արժանացած հայազգի լուսանկարիչներ Սքաուտ Թուֆանկջյանի եւ Էրիկ Գրիգորյանի հետ:
Մեդիամաքս-ի հետ զրույցում Սքաուտ Թուֆանկջյանն իր հիացմունքն է հայտնել հայ պատանիներով, նշելով, որ մեծ հաճույք է ստացել Հայաստանում կատարած իր աշխատանքից:
«Կարող եք տեսնել նրանց աշխատանքները` նրանք պարզապես հոյակապ են: Պատանիները ջանք չէին խնայում եւ մեկ ամսվա ընթացքում մեծ արդյունքների հասան», - ասել է Սքաուտ Թուֆանկջյանը:
«Պատրաստվում եմ վերադառնալ Հայաստան սեպտեմբերին եւ մենք կրկին նմանատիպ միջոցառում եւ դասընթացներ կանցկացնենք ուսանողների համար», - նշել է նա:
Էրիկ Գրիգորյանը, իր հերթին, ասել է Մեդիամաքս-ին, որ սա դասավանդման իր առաջին փորձն էր եւ այն շատ հետաքրքրական էր:
«Ուսանողական տարիներին երբեք չէի լսում իր դասախոսներին եւ չէի կատարում տնային աշխատանքը: Այստեղ, երբ մի բան էի առաջարկում ուսանողներին, նրանք միանգամից փորձում էին դա կիրառել, ինչն ինձ համար զարմանալի էր ե եւ ուրախալի», - ասել է լուսանկարիչը, նույնպես խոստանալով ապագայում վերադառնալ Հայաստան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: