Երեւան: Մեդիամաքս: Այս տարվա ընթացքում ՀՀ արտակարգ իրավիճակների նախարարությունում (ԱԻՆ) կսկսի գործել արագ արձագանքման ծառայություն` ամերիկյան 911-ի նման:
Ինչպես հաղորդում է Մեդիամաքսը, այդ մասին այսօր ասել է ՀՀ արտակարգ իրավիճակների նախարար Արմեն Երիցյանը:
Նրա խոսքերով, կենտրոնը կստեղծվի մայրաքաղաքի Դավիթաշեն վարչական շրջանում, այնտեղ կաշխատեն տարբեր մասնագիտություններ ունեցող 30-40 երիտասարդներ, ովքեր կտիրապետեն օտար լեզուների:
«Մարդիկ կարող են դիմել խմբին ամենատարբեր խնդիրների դեպքում, ներառյալ կենդանիների փրկությունը»,- ասել է նա:
Հետագայում այդպիսի կենտրոնների գործարկում է նախատեսվում նաեւ ՀՀ մարզերում:
