Մեդիամաքսն ու IDBank-ը ամփոփել են ներդրող, Berkshire Hathaway ընկերության հիմնադիր Ուորեն Բաֆեթին նվիրված մրցանակային թեստ-խաղի արդյունքները:

Թեստ-խաղը դիտվել է 1663 անգամ եւ ունեցել է 50 մասնակից, որոնցից գրանցվել են 14-ը:

Գրանցված մասնակիցներից բոլոր 8 հարցերին ճիշտ չի պատասխանել ոչ ոք: 

4 մասնակից ճիշտ է պատասխանել 6 հարցի՝ Գոռ Քոչինյանը, Մհեր Շահինյանը, Գարիկ Ստեփանյանը եւ Գեւորգ Պապիկյանը: 

Նրանց միջեւ անցկացված «կույր վիճակահանությամբ» ընտրվել է Մհեր Շահինյանը՝ նա կստանա Նասիմ Թալեբի «Սեւ կարապը» գիրքը:

Ստորեւ ներկայացված են մրցանակային թեստ-խաղի ճիշտ պատասխանները.

Ինչ երաժշտական գործիք սովորեց նվագել 18-ամյա Ուորեն Բաֆեթը՝ գեղեցկուհի Բեթի Գալախերին տպավորելու համար:

Ուկուլելե

Ուորեն Բաֆեթի օրական կալորիների ո՞ր տոկոսն է ապահովում Coca-Cola-ն:

25% 

Մինչև 2020 թվականը ի՞նչ հեռախոս էր օգտագործում Ուորեն Բաֆեթը:

Ստեղնային Nokia

Apple ընկերության բաժնետոմսերի քանի՞ տոկոսն է պատկանում Ուորեն Բաֆեթին:

5.6% 

ԱՄՆ ո՞ր նախագահն է Ուորեն Բաֆեթին շնորհել Ազատության մեդալը:

Բարաք Օբաման 

Ազատ ժամանակի ո՞ր մասն է Ուորեն Բաֆեթը նվիրում ընթերցանությանը:

80%

Բաֆեթի կարծիքով՝ օրական քանի՛ էջ պետք է կարդալ:

500 էջ 

Ո՞ր բանաստեղծի երկերից էր Բաֆեթը մեջբերումներ արել 2017 թվականին բաժնետերերին ուղղված նամակում:

Ռադյարդ Կիպլինգ