Երեւան։ Մեդիամաքս։ Ապրիլի 26-ից 30-ը Երեւանում կանցկացվի ռուսաստանցի կինոռեժիսոր Անդրեյ Զվյագինցեւի ֆիլմերի ամբողջական հետահայաց ցուցադրությունը։

Դրան ընդառաջ Մեդիամաքսն ու Киноклуб Ереван տելեգրամյան ալիքը մրցանակային թեստ-խաղ էին կազմակերպել, որին պետք էր մասնակցել ապրիլի 10-ի ժամը 12:00-ից մինչեւ ապրիլի 12-ը ժամը 12:00-ը։

Բոլոր 7 հարցերին ճիշտ էին պատասխանել երեք մասնակիցներ.

Արամ Արարատյանը

Ալմաստ Մուրադյանը

Աննա Աղաջանյանը

Նրանցից յուրաքանչյուրը կստանա «Վերադարձ» ֆիլմի ցուցադրության երկուական տոմս։

Ստորեւ ներկայացված են թեստ-խաղի հարցերն ու ճիշտ պատասխանները:

1. Ո՞ր դերասանի խաղն է դրդել Անդրեյ Զվյագինցեւին զբաղվել կինոյով։

Ալ Պաչինո:

2.  Քանի՞ անգամ են Զվյագինցեւի ֆիլմերն առաջադրվել «Օսկար»-ի «Լավագույն օտարալեզու ֆիլմ» անվանակարգում:

Երկու անգամ:

3.  Ո՞ր երկրում է տեղի ունեցել «Լեւիաթան» ֆիլմի սյուժեի հիմքում ընկած պատմությունը:

ԱՄՆ-ում՝ նախագիծը ծնվել էր Կոլորադո նահանգում տեղի ունեցած ողբերգական դեպքից. Մարվին Ջոն Հիմեյերի պատմությունը, ով դուրս եկավ պետական մեքենայի դեմ:

4. Զվյագինցեւի մոտ նկարահանվել է այս դերասանը, ով մարմնավորել է 2000-ականների սկզբի հայտնի սերիալի գլխավոր հերոսներից մեկին։

Վլադիմիր Վդովիչենկով:

5. Ի՞նչն է կապում Անդրեյ Զվյագինցեւին եւ Վիլյամ Սարոյանին:

«Վտարում» ֆիլմը նկարահանված է Սարոյանի «Ինչ-որ ծիծաղելի բան» վիպակի հիման վրա:

6. Կաննի կինոփառատոնի ժյուրիի հատուկ մրցանակը «Ելենա» ֆիլմի համար Զվյագինցեւը ստացել էր այս ռեժիսորի ձեռքից.

Էմիր Կուստուրիցա:

7. Ի՞նչ Անդրեյ Զվյագինցեւն երբեք չի արել իր կյանքում:

Չի մասնակցել ընտրություններին: