Երեւան: Մեդիամաքս: Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Հեբրեյեսուսը կանխատեսել է նոր մահացու վիրուսի հայտնվելը:
Ինչպես հայտնում է ՏԱՍՍ-ը, նման հայտարարություն նա արել է այսօր Ժնեւում՝ Առողջապահության 74-րդ Համաշխարհային ասամբլեայում:
«Սա վերջին դեպքը չէ, երբ աշխարհը բախվում է համաճարակի սպառնալիքին: Ըստ էվոլյուցիոն գնահատականների, կհայտնվի նոր վիրուս, որը կարող է նույնիսկ ավելի վարակիչ եւ ավելի մահացու լինել, քան ներկայիս վիրուսը», - ասել է Հեբրեյեսուսը:
ԱՀԿ գլխավոր տնօրենը հիշեցրել է, որ «համաճարակի հիմնական շարժիչը միջազգային համերաշխության եւ տվյալների փոխանակման, ռեսուրսներ եւ տեխնոլոգիաներ տրամադրելու ցանկության բացակայությունն է»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: