Երեւան: Մեդիամաքս: Հայաստանի վարչապետ Նիկոլ Փաշինյանն այսօր ասել է, որ կառավարությունը կորոնավիրուսի հարցում 100% թափանցիկ է եղել եւ շարունակում է այդպիսին մնալ:
«Միջազգային մամուլին եթե հետեւեք, կտեսնեք, որ բազմաթիվ հրապարակումներ կան, որտեղ ասվում է՝ երկրների մեծ մասն իրական տվյալներ չեն հրապարակում կորոնավիրուսի հետ կապված: Հայաստանն այդ երկրների շարքում չէ: Այն ինչ գիտի կառավարությունը, գիտի նաեւ հանրությունը»,- Ազգային Ժողովում ասել է վարչապետը:
«Կառավարությունն ընտրած ռազմավարության առումով ամեն ինչ 100%-ով ճիշտ է արել եւ անում: Ընթացքում, իհարկե, եղել են նաեւ թերություններ, որոնց վերաբերյալ բազմաթիվ դիտարկումներ են արվել», - ասել է Նիկոլ Փաշինյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: