Երեւան: Մեդիամաքս: Առողջապահության նախարար Արսեն Թորոսյանը չի ներկայացրել հրաժարականի դիմում եւ չի էլ պատրաստվում:
Այդ մասին այսօր հայտնել է նախարարի մամուլի քարտուղար Ալինա Նիկողոսյանը:
«Երեկ ողջ օրը հերքել եմ նախարարի հրաժարականի մասին լուրերը: Բայց լրատվամիջոցների որոշ շրջանակ չի հանգստանում եւ մեկը մյուսի հետեւից ավելի «կատարելագործված» ստեր է տարածում:
Նախարարը վերջին կես տարվա ընթացքում աշխատել է 24/7 ռեժիմով եւ կարող է օգտվել իր տարեկան հասանելի արձակուրդից: Հավելեմ նաեւ, որ նա գտնվելու է Հայաստանում:
Արսեն Թորոսյանը չի ներկայացրել հրաժարականի դիմում եւ չի էլ պատրաստվում: Արձակուրդը վերջանալուց հետո նախարարը վերադառնալու է բնականոն աշխատանքին», - ասել է մամուլի քարտուղարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: