Երեւան: Մեդիամաքս: ՀՀ տրանսպորտի եւ կապի նախարարության, ՅՈՒՆԵՍԿՕ-ի ու Հեռահաղորդակցման միջազգային միության համատեղ ծրագրի շրջանակներում այսօր Երեւանում բացվել է տեսողության խնդիրներ ունեցող մարդկանց համար ինտերնետ հասանելիության առաջին կենտրոնը:
Ինչպես հաղորդում է Մեդիամաքս-ը, ՀՀ տրանսպորտի եւ կապի նախարար Մանուկ Վարդանյանն ասել է, որ կենտրոնում կա 15 համակարգիչ: Նախարարի խոսքերով, անհրաժեշտ սարքավորումներով ապահովված կենտրոնը հնարավորություն է ընձեռում տեսողության խնդիրներ ունեցող մարդկանց ուսում ստանալ եւ հաղորդակցվել աշխարհի հետ:
Կենտրոնի այցելուները կարող են օգտվել Բրալի համակարգից եւ տեսաձայնային ռեժիմից: Կենտրոնը գործելու է անվճար:
Անհրաժեշտ սարքավորումներն անվճար տրամադրել է Հեռահաղորդակցման միջազգային միությանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: