Օրբանը ցանկանում է Ալիեւից սովորել «ավելի հաջողակ դառնալ» - Mediamax.am

4065 դիտում

Օրբանը ցանկանում է Ալիեւից սովորել «ավելի հաջողակ դառնալ»


Լուսանկարը` trend.az


Երեւան։ Մեդիամաքս։ Հունգարիայի վարչապետ Վիկտոր Օրբանն ասել է, որ «պետք է Իլհամ Ալիեւից սովորի, թե ինչպես ավելի հաջողակ դառնալ միջազգային ասպարեզում»:

Ադրբեջանական լրատվամիջոցների փոխանցմամբ՝ ելույթ ունենալով Բուդապեշտում Ադրբեջանի նախագահի պատվին տրված պաշտոնական ընթրիքին, Հունգարիայի վարչապետը, մասնավորապես, ասել է.

 

«Հարավում Ադրբեջանը սահմանակից է Իրանին, հյուսիսում՝ Ռուսաստանին։ Հունգարիան արեւմուտքում սահմանակից է Գերմանիային, արեւելքում՝ Ռուսաստանին։ Մենք գիտենք, թե որքան դժվար է կառավարել ժողովրդին նման ծանր վիճակում։ Դա մեզ շատ օգնեց մեր բարեկամության ամրապնդման գործում։

 

Արտաքին քաղաքականության մեջ մենք միմյանց հասկանում ենք: Անցած տասը տարիների ընթացքում ես շատ բան եմ սովորել նախագահ Ալիեւից՝ ինչպես լավ ղեկավարել երկիրը ծայրահեղ ծանր միջավայրում։ Ցավոք, չկարողացա տիրապետել նրա բոլոր գիտելիքներին, քանի որ մենք հակված ենք ավելի արմատական լինել, իսկ նա ավելի չափավոր հայացքներով հայտնի քաղաքական գործիչ է։ Ես պետք է նրանից սովորեմ, թե ինչպես չափավոր կերպով ավելի հաջողակ դառնալ միջազգային ասպարեզում»։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին