Երեւան: Մեդիամաքս: ՀՀ նախագահի թեկնածու Պարույր Հայրիկյանն առաջարկում է զորակոչել երիտասարդ աղջիկներին եւ կանանց 10-ամսյա զինվորական ծառայության:
Ինչպես հաղորդում է Մեդիամաքս-ը, Պարույր Հայրիկյանն այսօր ասել է, որ այս գաղափարը դեռեւս 3 տարի առաջ ներկայացրել եւ քննարկել է գործող նախագահ Սերժ Սարգսյանին, այն ստացել է ՀՀ պաշտպանության նախարարի հավանությունը, սակայն զարգացում չի ստացել:
Այժմ այս գաղափարը ներկայացված է Պարույր Հայրիկյանի նախընտրական ծրագրում:
«Առաջին փուլում կանայք կսովորեն մեքենա վարել, զենքի տիրապետել, նաեւ առաջին բուժօգնություն ցուցաբերել»,- ասել է Պարույր Հայրիկյանը:
Նա հավելել է, որ հետագայում, երբ ծառայություն անցած աղջիկները բուհ կընդունվեն, պետությունը պարտավորություն կստանձնի վճարել ուսման վարձի կեսը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: