Երեւան: Մեդիամաքս: ՀԺԿ նախագահ Ստեփան Դեմիրճյանն այսօր ասել է, որ արտահերթ ընտրությունների անցկացումը «սկզբունքային հարց է»:
Ինչպես հաղորդում է Մեդիամաքս-ը, այսօր կայացած մամուլի ասուլիսի ժամանակ Ստեփան Դեմիրճյանն ասել է, որ «ընտրությունները պետք է լինեն արտահերթ, քանի որ հասարակությունը համոզված է, որ հերթական ընտրությունները նորից կեղծվելու են»:
«Չի կարելի կեղծել ընտրությունները եւ խոսել քաղաքական նոր մշակույթի ձեւավորման մասին: Քաղաքակիրթ երկխոսությունը սկսվում է քաղաքակիրթ ընտրություններից. որոշ հարցերի շուրջ բանակցելը դեռեւս երկխոսություն չէ», - ասել է ՀԺԿ նախագահը:
Նրա խոսքերով, ընդդիմությունը կընդունի հերթական կամ արտահերթ ընտրությունների արդյունքները, եթե դրանք «նորմալ անցկացվեն»:
