Երեւան։ Մեդիամաքս։ Արցախի մարդու իրավունքների պաշտպան Գեղամ Ստեփանյանը մանրամասներ է ներկայացրել Լաչինի միջանցքում տեղադրված անցակետից Ադրբեջանի կողմից առեւանգված քաղաքացիների դեպքի վերաբերյալ:
«Արցախից Հայաստան տեղափոխվող 5 անձի Ադրբեջանի սահմանապահ եւ այլ ծառայությունների ներկայացուցիչները տարել են անցակետի մոտ տեղադրված հատուկ սենյակ՝ հարցաքննելու։ Հարցաքննության ընթացքում տվել են տարաբնույթ հարցեր՝ սպորտով զբաղվածությունը, ՀՀ գնալու նպատակը, Հայաստանում եւ Արցախում տնտեսական իրավիճակը եւ այլն։
Ձեռք բերված տեղեկությունների համաձայն՝ նախօրոք համաձայնեցված ցուցակներում առկա անձանցից եւս երկու հոգի՝ Վահե Հովսեփյանը եւ Լեւոն Գրիգորյանը չեն հատել անօրինական անցակետը, սակայն չի հաջողվում նրանց հետ կապ հաստատել։
Երեք քաղաքացիներն էլ Հայաստանի ուսումնական հաստատությունների ուսանողներ են»,- Ֆեյսբուքում գրել է Գեղամ Ստեփանյանը:
Ավելի վաղ Մեդիամաքսը հայտնել էր, որ Լաչինի միջանցքում անցակետից ադրբեջանական կողմն առեւանգել է Հայաստան եկող ուսանողի:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: