Երեւան: Մեդիամաքս: Արցախի նախագահ Արայիկ Հարությունյանը հայտնել է, որ հայ զինվորականները փայլուն կերպով կատարում են մարտական առաջադրանքը։
Արցախի նախագահը շարունակում է գտնվել առաջնագծում։ Նրան ուղեկցում են նաեւ ԱՀ եւ ՀՀ ԱԱԾ տնօրենները։
«Տղաները փայլուն են կատարում իրենց առջեւ դրված մարտական խնդիրը։ Ոգեւորված եմ մեր զինծառայողների քաջությամբ ու արհեստավարժությամբ եւ մեր կամավորականների նվիրվածությամբ։
Մի խոսքով, թե առաջնագծում, թե թիկունքում ամուր ենք կանգնած Հայրենիքի պաշտպանության սուրբ գործի դիրքերում։
Նորից կոչ եմ անում մեր ժողովրդի բոլոր զավակներին․ միացե՛ք Հայրենիքի պաշտպանության գործին, հիմա է ժամը»,- հայտարարել է Արցախի նախագահը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: