Երեւան: Մեդիամաքս: Հայաստանը որեւէ ազդանշան չի ուղարկել ԱՊՀ-ից դուրս գալու ցանկության մասին։
Այս մասին ՏԱՍՍ-ին հայտնել է ԱՊՀ գլխավոր քարտուղար Սերգեյ Լեբեդեւը։
«Մենք ազդանշաններ չունենք, որ Հայաստանը պատրաստվում է դուրս գալ ԱՊՀ-ից կամ թուլացնել իր մասնակցությունը»,- նշել է Լեբեդեւը։
Նա ուշադրություն է հրավիրել այն փաստի վրա, որ Հայաստանի պաշտոնյաները ՀԱՊԿ-ին անդամակցության վերաբերյալ հայտարարություններ անելիս խոսել են ԱՊՀ եւ ԵԱՏՄ շրջանակներում աշխատանքը շարունակելու պատրաստակամության մասին։
«Անկեղծորեն ուրախ եմ դրա համար եւ հուսով եմ, որ այդպես էլ կլինի»,- ասել է ԱՊՀ գլխավոր քարտուղարը։
