Երեւան։ Մեդիամաքս։ Շառլ Միշելը հայտարարություն է տարածել այսօր Քիշնեւում կայացած Հայաստանի վարչապետի, Ֆրանսիայի նախագահի, Գերմանիայի կանցլերի, Եվրոպական խորհրդի նախագահի և Ադրբեջանի նախագահի հնգակողմ հանդիպման արդյունքներով։
«Մենք հնարավորություն ունեցանք շոշափելու բոլոր այն թեմաները, որոնք քննարկել ենք մայիսին Բրյուսելում՝ հաղորդակցություն, անվտանգություն և իրավունքներ, սահմանների սահմանազատում, խաղաղության պայմանագիր։
Այս հանդիպումը լավ նախապատրաստություն էր հաջորդ հանդիպման համար, որը տեղի կունենա Բրյուսելում հուլիսի 21-ին։ Սա նշանակում է, որ մենք քրտնաջան աշխատում ենք և մտադիր ենք աջակցել բոլոր դրական ջանքերին՝ ուղղված հարաբերությունների կարգավորմանը։ Ես նաև հայտարարեցի, որ մտադիր եմ նախագահ Ալիևին, վարչապետ Փաշինյանին, կանցլեր Շոլցին և նախագահ Մակրոնին նորից հրավիրել հանդիպման Եվրոպական քաղաքական համայնքի հաջորդ գագաթնաժողովի շրջանակում, որը տեղի կունենա Իսպանիայում։ Սա նշանակում է, որ մենք ԵՄ-ի կողմից կանենք ամեն ինչ՝ օգնելու, աջակցելու, հարաբերությունների կարգավորման ուղղությամբ ավելի շատ առաջընթաց գրանցելու համար»,- ասել է Եվրոպական խորհրդի նախագահը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: