Երեւան: Մեդիամաքս: Ռուսաստանի նախագահ Վլադիմիր Պուտինը կանոնավոր հեռախոսային կապ է պահպանում Հայաստանի վարչապետ Նիկոլ Փաշինյանի հետ, այսօր հայտնել է ՌԴ նախագահի մամուլի քարտուղար Դմիտրի Պեսկովը:
«Այս երկխոսությունը կշարունակվի», - ասել է Պեսկովը:
Նա նշել է, որ ներկայում խոսք չի գնում Ռուսաստանի, Հայաստանի ու Ադրբեջանի ղեկավարների եռակողմ հանդիպում անցկացնելու մասին:
Միևնույն ժամանակ, Պեսկովը նշել է, որ Լեռնային Ղարաբաղում իրավիճակը կարգավորելու համար ռուսական կողմը «երկխոսություն է վարում տարբեր մակարդակներով»:
Հոկտեմբերի 7-ին «Մոսկվա.Կրեմլ.Պուտին» ծրագրին տված բացառիկ հարցազրույցում Ռուսաստանի նախագահը հիշեցրել էր, որ Հայաստանը ՀԱՊԿ անդամ է, և այս համաձայնագրի շրջանակներում Ռուսաստանը որոշակի պարտավորություններ ունի Հայաստանի նկատմամբ:
«Ինչ վերաբերում է Ռուսաստանի կողմից այս պայմանագրի շրջանակներում իր պայմանագրային պարտավորությունների կատարմանը, մենք միշտ կատարել ենք, կատարում ենք եւ շարունակելու ենք կատարել մեր պարտավորությունները», - ասել էր Պուտինը: Ռուսաստանի նախագահնը հայտնել էր, որ «մշտական կապի մեջ է» Հայաստանի վարչապետ Նիկոլ Փաշինյանի հետ, «եւ Հայաստանի ղեկավարությունը որեւէ հարց չունի Ռուսաստանի՝ իր դաշնակցային պարտավորությունների կատարման որակի վերաբերյալ»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: