Երեւան: Մեդիամաքս: Հայաստանի դպրոցներում ըստ պահանջի կավելացվի ռուսերենով կրթություն իրականացնող դասարանների թիվը:
ՀՀ կրթության, գիտության, մշակույթի եւ սպորտի նախարարությունն այսօր հանդես է եկել հաղորդագրությամբ, որում ասված է.
«Հայաստանում ռուսալեզու գործարար միջավայրի եւ ներդրումների ակտիվացման ֆոնին ակտիվացել է նաեւ ռուսալեզու քաղաքացիների ներհոսքը դեպի Հայաստանի Հանրապետություն:
Վերջիններիս առանձնահատուկ հետաքրքրում է Հայաստանում երեխաների ռուսալեզու կրթության հնարավորությունները: Հայաստանում կրթական եւ գործարար համապատասխան միջավայր ապահովելու նպատակով, ինչպես նաեւ վերլուծելով առկա իրավիճակը՝ առաջարկել ենք ՀՀ դպրոցներում, այդ թվում՝ ավագ մակարդակում, ընդլայնել ռուսերենով կրթություն իրականացնող
դասարանների թիվն ըստ պահանջի: Այդ դասարանները նախատեսված են հիմնավորապես Ռուսաստանի Դաշնության, ինչպես նաեւ օտարերկրյա այլ քաղաքացիների համար:
Հայաստանի Հանրապետության կառավարությունը կարեւորում է հանրակրթական դպրոցներում ռուսերենի ուսուցման որակի բարձրացումը:
Այդ կապակցությամբ ռուսաստանյան կողմի հետ համագործակցության շրջանակում ՀՀ կրթության, գիտության, մշակույթի եւ սպորտի նախարարությունն ակնկալում է ստանալ անհրաժեշտ աջակցություն ՀՀ չափորոշիչներին համապատասխան ռուսերենով դասագրքերի բովանդակությունը մշակելու, ուսուցիչների վերապատրաստման ծրագիր կազմելու եւ վերապատրաստման դասընթացներն իրականացնելու համար»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: