Երեւան: Մեդիամաքս: Բուլղարիայում կայացած 26-րդ մաթեմատիկական միջազգային ուսանողական օլիմպիադայում (International Mathematics Competition) Երեւանի պետական համալսարանի թիմը նվաճել է ոսկե եւ արծաթե մեդալներ:
Օլիմպիադային մասնակցել են 77 համալսարանի թիմեր (360 մասնակից):
ԵՊՀ թիմի անդամներից երեքը՝ Ալբերտ Գեւորգյանը, Արսեն Համբարձումյանը եւ Գրիգոր Քերոբյանը, արժանացել են ոսկե, իսկ Վահագն Ալթունյանը, Սեւակ Աբրահամյանը եւ Արման Բայրամյանը՝ արծաթե մեդալների:
Օլիմպիադան անցկացվել է եւ՛ անհատական, եւ՛ թիմային հաշվարկներով:
Ալբերտ Գեւորգյանն անհատական հաշվարկում կիսել է 19-21-րդ տեղերը:
Թիմային առաջնությունում Երեւանի պետական համալսարանի թիմը գրավել է 13-րդ տեղը:
ԵՊՀ թիմը ղեկավարել է ԵՊՀ եւ ՀԱՀ դասախոս Կարեն Քեռյանը, ով թիմի ղեկավարներից արդյունավետությամբ 3-րդն էր:
ԵՊՀ թիմը մարզել են Վազգեն Միքայելյանը եւ Կարեն Քեռյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: