Երեւան: Մեդիամաքս: Հայաստան գյուղատնտեսական տեխնիկա, թունաքիմիկատներ եւ սերմեր ներմուծող ընկերությունները կազատվեն ավելացված արժեքի հարկի /ԱԱՀ/ վճարումից:
Ինչպես հաղորդում է Մեդիամաքսը, այսօր ՀՀ Ազգային ժողովը առաջին ընթերցմամբ ընդունել է «ԱԱՀ-ի մասին» օրենքում փոփոխություններ կատարելու մասին օրինագիծը:
ԱԱՀ չվճարող ընկերությունների ցանկում կընդգրկվեն նաեւ բերքահավաքի, հողի մշակման համար տեխնիկա, կաթի վերամշակման սարքեր ներմուծող ընկերությունները:
Նախքան գործող օրենքում փոփոխություններ մտցնելը Հայաստանում ԱԱՀ-ի վճարումից ազատվում էին միայն կարտոֆիլի սերմ ներմուծող ընկերությունները:
