Երեւան: Մեդիամաքս: Հայաստանի նախագահ Վահագն Խաչատուրյանն այսօր հրամանագիր է ստորագրել Կարեն Գրիգորյանին Զինված ուժերի գլխավոր շտաբի պետի տեղակալ նշանակելու մասին՝ ազատելով նրան Հայաստանի զինված ուժերի ինժեներական զորքերի վարչության պետի պաշտոնից:
Զինված ուժերի գլխավոր շտաբի պետի տեղակալ է նշանակվել Արթուր Երոյանը, որը զբաղեցնում էր Վազգեն Սարգսյանի անվան ռազմական համալսարանի պետի պաշտոնը:
Վահագն Խաչատուրյանի մեկ այլ հրամանագրով Համլետ Լեւոնյանը նշանակվել է Խաղաղապահ ուժերի բրիգադի հրամանատար: Մինչ նշանակումը, այս պաշտոնը զբաղեցնում էր Արսեն Մանգասարյանը, որն էլ նշանակվել է Վազգեն Սարգսյանի անվան ռազմական ակադեմիայի պետ։
Մեկ այլ հրամանագրով Արմեն Սեյրանյանը նշանակել է Զինված ուժերի գլխավոր շտաբի ռազմավարական պլանավորման վարչության պետ, իսկ Դավիթ Ալեքսանյանը՝ ԶՈՒ գլխավոր շտաբի մարտական պատրաստության վարչության պետ:
Վաչագան Ներսիսյանը ազատվել է Հայաստանի զինված ուժերի պատրաստության գլխավոր վարչության մարտական պատրաստության վարչության պետի պաշտոնից:
Վիգեն Մկրտյանը նշանակվել է Զինված ուժերի գլխավոր շտաբի կապի զորքերի պետ-կապի եւ ավտոմատացված կառավարման համակարգերի վարչության պետ: Այս պաշտոնը զբաղեցնում էր Թեմուր Շահնազարյանը, որը նշանակվել է Զինված ուժերի գլխավոր շտաբի օպերատիվ գլխավոր վարչության պետ-զինված ուժերի գլխավոր շտաբի պետի տեղակալ։
Կամո Քոչունցն ազատվել է Հայաստանի զինված ուժերի գլխավոր շտաբի պետի առաջին տեղակալի պաշտոնից, իսկ Արտակ Բուդաղյանը նշանակվել է Զորքերի (ուժերի) միացյալ խմբավորման հրամանատար:
Բոլոր այս որոշումների համար հիմք է հանդիսացել վարչապետ Նիկոլ Փաշինյանը առաջարկները։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: