Երեւան։ Մեդիամաքս։ Հայաստանում 2023 թ. հոկտեմբերի 27-ից 2024 թ. հունվարի 31-ը ներառյալ կհայտարարվի շարքային կազմի պարտադիր զինվորական եւ այլընտրանքային ծառայությունների ձմեռային զորակոչ:

Որոշումն ընդունվել է կառավարության այսօրվա նիստում:

Կզորակոչվեն այն քաղաքացիները, որոնց 18 տարին լրանում է մինչեւ 2023 թ. դեկտեմբերի 31-ը ներառյալ, ինչպես նաեւ նրանք, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչեւ 2023 թ. դեկտեմբերի 31-ը ներառյալ:

Զորակոչին զուգահեռ շարքային կազմի պարտադիր զինվորական ծառայություն կամ այլընտրանքային զինվորական ծառայություն անցած զինծառայողների զորացրումը կիրականացվի 2023 թ. դեկտեմբերի 20-ից մինչեւ 2024 թ. հունվարի 31-ը ներառյալ: