Երեւան: Մեդիամաքս: ՄԱԿ-ի գլխավոր քարտուղար Բան Կի Մունի՝ ապրիլի վերջին Հարավային Կովկասի երկրներ նախատեսված այցը չեղյալ է հայտարարվել:
Այս մասին Մեդիամաքսին հայտնել է ՄԱԿ-ի հանրային տեղեկատվության վարչության երևանյան գրասենյակի ղեկավար Արմինե Հալաջյանը՝ վկայակոչելով ՄԱԿ-ի գլխավոր քարտուղարի մամուլի խոսնակ Ստեֆան Դյուժարիկի ստացված տեղեկությունը:
ՄԱԿ-ի գլխավոր քարտուղարը ծրագրում էր ապրիլի 25-ին առաջին անգամ այցելել Հայաստան: Տարածաշրջանային այցի շրջանակներում նախատեսվում էր նաեւ Բան Կի Մունի այցը Թբիլիսի եւ Բաքու:
«Ստեֆան Դյուժարիկի փոխանցմամբ, գլխավոր քարտուղարը շատ էր ցանկանում այցելել տարածաշրջան, սակայն հրատապ հարցերով պայմանավորված՝ այդ օրերին պետք է գտնվի այլ վայրում: Ուստի Հարավային Կովկաս այցի ժամկետները կվերանայվեն»,- Մեդիամաքսին ասել է Արմինե Հալաջյանը:
Այցի չեղարկումը նշանակում է, որ Բան Կի Մունը չի մասնակցի Բաքվում կայանալիք ՄԱԿ-ի Քաղաքակրթությունների դաշինքի յոթերորդ ֆորումին: Հայաստանի ԱԳՆ ապրիլի 20-ին հայտարարել էր, որ բոյկոտելու է ֆորումը եւ չի միանում ֆորումի հռչակագրի վերաբերյալ կոնսենսուսին, ուստի հռչակագիրը չի կարող ընդունվել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: