Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
 
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:

•    15 ՏԱՐԻ ԱՌԱՋ. 2005 ԹՎԱԿԱՆԻ ՍԵՊՏԵՄԲԵՐԻ 21-27

Ռուսաստանցի միջնորդը՝ ԵԽԽՎ-ի հետ համագործակցության մասին

Սեպտեմբերի 23-ին ռուսաստանցի միջնորդ Յուրի Մերզլյակովը հայտարարել էր, որ ԵԱՀԿ Մինսկի խումբը եւ Եվրոպայի Խորհրդի Խորհրդարանական Վեհաժողովի (ԵԽԽՎ) ԼՂ հարցով հատուկ կոմիտեն կարող են համագործակցել մի շարք հարցերի շուրջ:

«Մինսկի խմբի համանախագահները բանակցություններում զբաղվում են միջնորդությամբ, ներկայացնում են առաջարկություններ, իսկ ԵԽԽՎ-ն կարող է ներդրում ունենալ երկու երկրներում հասարակական կարծիքի մոբիլիզացման գործում` կարգավորմանը հասնելու համար անհրաժեշտ փոխզիջումը գտնելու համար: ԵԽԽՎ-ն կարող է նաեւ ակտիվ լինել Եվրոպայի Խորհրդին անդամակցելիս երկու երկրների ստանձնած պարտավորությունների կատարման հարցերում, որոնցից կարեւորագույնը Լեռնային Ղարաբաղի հակամարտությունը բացառապես խաղաղ միջոցներով լուծելու պարտավորությունն է», - ասել էր ռուսաստանցի դիվանագետը:

Յուրի Մերզլյակովը

Լուսանկարը` Ֆոտոլուր

Լուսանկարը` Մեդիամաքս

Սերժ Սարգսյանը եւ Գագիկ Ծառուկյանը

Լուսանկարը` ՀՀ նախագահի մամուլի ծառայություն