Տիգրան Ավինյանն ընտրվել է Երեւանի քաղաքապետ - Mediamax.am

2625 դիտում

Տիգրան Ավինյանն ընտրվել է Երեւանի քաղաքապետ


Լուսանկարը` Photolure


Երեւան։ Մեդիամաքս։ Երեւանի նորընտիր ավագանին այսօր փակ գաղտնի քվեարկությամբ Երեւանի քաղաքապետ է ընտրել Տիգրան Ավինյանին:

Նրա թեկնածությանը կողմ է քվեարկել ավագանու 32, դեմ՝ 5 անդամ:

 

Նիստին ներկա էր ավագանու 37 անդամ։

 

Երեւանի ավագանու առաջին նիստին մասնակցել են «Քաղաքացիական պայմանագիր», «Հանրապետություն» եւ «Հանրային ձայն» կուսակցությունները:

 

«Մայր Հայաստան» դաշինքը եւ «Ազգային առաջընթաց» կուսակցությունն ավելի վաղ հայտարարել էին, որ չեն մասնակցի նիստին:

 

Տիգրան Ավինյանը խոստացավ ծառայել Երեւանին, Հայաստանին «բոլոր այն սկզբունքների հիմքով, որը հայտարարվել էր դեռ 2018 թվականին»:    

 

Քվեարկությունից առաջ Տիգրան Ավինյանն ասել էր, որ «ընտրությունների պաշտոնական արդյունքները ճշգրիտ են արտահայտում քաղաքացիների քվեարկության պատկերը»։

 

Մեկնաբանելով նոր ընտրություններ անցկացնելու հարցը, նա ասել էր.

 

«Երկրում ստեղծված իրավիճակը, հազարավոր մեր հայրենակիցների բռնի տեղահանումը, բոլորիս պետք է համախմբի ամեն կերպ նրանց աջակցելու, նրանց կարիքները հոգալու եւ սատարելու գործում: Իսկ նոր ընտրությունները ոչնչով չէին նպաստելու դրան, ավելին՝ շիկացնելու էին առանց այն էլ առկա լարված մթնոլորտը: Այժմ, կարծում եմ, ոչ թե քարերը նետելու, այլ հավաքելու ժամանակն է»։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին