Երեւան: Մեդիամաքս: Հայաստանի քաղաքաշինության նախարար Նարեկ Սարգսյանն այսօր անդրադարձել է Փոքր կենտրոնում իրականացվելիք խոշոր ծրագրերին:
Հանդես գալով տարին ամփոփող ասուլիսում, նա ասել է, որ «Հին Երեւան» նախագծի ծրագիրն ամբողջությամբ պատրաստ կլինի 2015թ. մարտին: Այս պահին նախագծի հեղինակ Լեւոն Վարդանյանը ներդրող Վարդան Սիրմակեսի հետ Շվեյցարիայում քննարկում է կառուցապատման մանրամասները:
Խոսելով Հանրապետության հրապարակի մասին՝ նախարարն ասել է, որ «թիվ մեկ խնդիրը» ստորգետնյա կայանատեղիի կառուցումն է:
«Ակտիվ քննարկումներ են ընթանում, մշակվում է եռահարկ, մինչեւ 1000 մեքենայի համար կայանատեղիի կառուցման առաջադրանքը: Ստորգետնյա անցումները եւս կլուծեն լուսային խաչմերուկների պատճառով առաջացող խցանումների հարցը»,- մանրամասնել է նա:
Ինչ վերաբերում է Հյուսիսային պողոտային, ապա Նարեկ Սարգսյանի խոսքով, «այն մեր քաղաքաշինական մշակույթի արտացոլումն է, որը հաջողվել է»: Նա հավելել է, որ պողոտայում նախատեսվում է ժամանակի ընթացքում օղաձիգ կանաչապատում ունենալ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: