Երեւան: Մեդիամաքս: Երեւանի քաղաքապետարանը մշակում է «Մոսկվա» կինոթատրոնի ամառային դահլիճը երիտասարդական կենտրոն դարձնելու նախագիծը:
Ինչպես հաղորդում է Մեդիամաքս-ը, այդ մասին ասել է Երեւանի քաղաքապետ Կարեն Կարապետյանը` մայիսի 17-ին հանդիպելով ուսանողներին:
Քաղաքապետն ասել է նաեւ, որ մշակվում է Սասունցի Դավթի արձանի հարակից տարածքը երիտասարդական կենտրոն դարձնելու նախագիծը:
Հիշեցնենք, որ նախկինում «Մոսկվա» կինոթատրոնի ամառային դահլիճի տեղում նախատեսվում էր եկեղեցի կառուցել: Հասարակական ակտիվ ընդվզման արդյունքում այդ նախագիծը փաստացի սառեցվեց:
