Երեւան: Մեդիամաքս: Ապօրինի անտառահատումը մնում է Հայաստանի անտառային տնտեսության թիվ մեկ խնդիրը:
Ինչպես հաղորդում է Մեդիամաքսը, «Հայանտառ» պետական ոչ առեւտրային կազմակերպության տնօրեն Մարտուն Մաթեւոսյանն այսօր տեղեկացրել է, որ 2010թ. Հայաստանում անօրինական եղանակով հատվել է 2520 ծառ:
Նա նկատել է, որ բնական գազի գների աճն անդրադարձել է գյուղի բնակիչների կողմից ծառերի ապօրինի հատումների ավելացման վրա:
Մարտուն Մաթեւոսյանն ասել է, որ «Հայանտառ»-ը ՀՀ կառավարությանն առաջարկելու է քննարկել անտառամերձ գյուղերի բնակիչներին անձնական օգտագործման նպատակով անվճար հիմունքներով թափուկների տրամադրման մասին օրինագիծը: Թափուկների հավաքումն առանց անհրաժեշտ թույլտվության եւս համարվում է ապօրինի գործողություն: 1 խմ թափուկի դիմաց գյուղացիները վճարում են 1200 դրամ:
