Երեւան: Մեդիամաքս: ԱՄՆ Միջազգային զարգացման գործակալությունը այս տարի Հայաստանին կտրամադրի $27 մլն օժանդակություն:
Ինչպես Մեդիամաքսին հայտնել են Հայաստանում ԱՄՆ դեսպանատան մամուլի ծառայությունում, գումարն ուղղված կլինի աղքատության կրճատմանը, օրենքի գերիշխանության իրագործմանը, առողջապահական ծառայությունների եւ սոցիալական նպաստների հասանելիությանը, ինչպես նաեւ մասնավոր հատվածի եւ ենթակառուցվածքների հզորացմանը:
ԱՄՆ դեսպանատան հաղորդագրության մեջ ասվում է, որ Հայաստանում իրականացվող ծրագրերի քննարկման նպատակով Երեւան է ժամանել USAID-ի Եվրոպայի եւ Եվրասիայի հարցերով փոխտնօրենի ավագ տեղակալ Ռոբերտա Մահոնին, ով աշխատանքային այցի շրջանակներում հանդիպումներ է ունեցել ՀՀ կառավարության, մասնավոր հատվածի, գործընկեր-կազմակերպությունների եւ Սփյուռքի ներկայացուցիչների հետ:
